Llapi dhe Ballkani kanë shënuar fitore bindëse në duelet përkatëse, në kuadër të xhiros së gjashtë të IPKO Superligës së Kosovës në futboll. Llapjanët e mposhtën Flamurtarin 5:1, kurse therandasit ishin më të mirë se Vushtrria, 5:2. E fitores në udhëtim iu gëzua Drenica, e cila e mposhti Ferizajn 1:0
Llapi e ka shënuar një fitore të lehtë në duel me Flamurtarin në kryeqytet në kuadër të xhiros së gjashtë të IPKO Superligës së Kosovës në futboll.
Llapjanët kanë fituar me rezultat 5:1, në ndeshjen e zhvilluar në kryeqytet.
Mërgim Pefqeli e ka kaluar ekipin e Tahir Batatinës në epërsi në minutën 12-të, kurse Mentor Zhdrella shënoi pas një minute për 2:0.
Blendi Memaj e gjeti golin e tretë të llapjanëve në minutën e 45-të.
Ndërkaq, Angel Granchov e ngushtoi rezultatin në 1:3 me të filluar pjesa e dytë.
Blendi Memaj e shënoi golin e dytë personal dhe të katërtin për llapjanët në minutën e 65-të.
E Granchov shënoi autogol në minutën e 77-të për fitoren e thellë të ekipit mysafir.
Ndërkohë, Ballkani fitoi po ashtu me rezultat të thellë, 5:2 kundër Vushtrrisë.
Visar Berisha i kaloi therandasit në epërsi me golin e shënuar me kokë në minutën e 16-të.
Drilon Fazliu i barazoi shifrat në minutën e 40-të.
E me të filluar pjesa e dytë, respektivisht në minutën e 48-të, Jetmit Topalli e riktheu epërsinë e ekipit vendës.
Mbrojtësi Berisha e shënoi golin e dytë personal dhe të tretin për ekipi Portokalli në minutën e 60-të.
E golin e katërt për ekipin e Ismet Munishi e shënoi Arbër Hoxha në minutën e 70-ë.
Paolo Matheus e ngushtoi epërsinë e vendësve duke shënuar me kokë në minutën e 85-të.
Kurse, Ermal Krasniqi e shënoi golin e pestë të Ballkanit në minutën e 89-të.
Në duelin e tretë të zhvilluar sot, Drenica e mundi Ferizajn në udhëtim me rezultat minimal, 1:0 falë golit të shënuar nga Arbios Thaqi në fund të pjesës së parë.
IPKO Superliga – Java e gjashtë
E diel Drita –Trepça ’89 1:1
E diel Dukagjini – Feronikeli 0:2
E diel Prishtina – Gjilani 2:1
E hënë Ballkani – Vushtrria 5:2
E hënë Flamurtari – Llapi 1:5
E hënë Ferizaj – Drenica 0:1
Ambasada e Kosovës në Turqi dënon sulmin në Ankara
Akuzohen për korrupsion e pastrim parash, përfundon seanca p...
Avokati i Popullit kërkon që viktimat e dhunës seksuale gjat...
Jahjaga takohet me Clinton, e falënderon që SHBA i qëndroi a...
“Pse po don më i vjedh?” – Përplasje e ashpër mes Arionit dh...
Von Der Leyen vlerëson gjyqësorin, Rama: Rasti “Meta...